სამგორის რაიონში, ვარკეთილის ხევში, 3.5 ჰექტარ ფართობზე არსებული პარკი განახლდა. დედაქალაქის მერიის მედიასთან ურთიერთობის სამსახურის ხელმძღვანელი მანანა თოქმაჯიშვილი სოციალურ ქსელში განახლებული პარკის ფოტოებს აქვეყნებს.
“სამგორის რაიონში, ვარკეთილის ხევში, 3.5 ჰექტარ ფართობზე არსებული პარკი განახლდა.
რეაბილიტაციის ფარგლებში, ტერიტორიაზე არსებული ბუნებრივი რესურსი და მწვანე ნარგავები შენარჩუნდა. გარემოში მინიმალური ჩარევით, თანამედროვე რეკრეაციული სივრცე შეიქმნა, რომელიც პასიური და აქტიური დასვენების ზონებად დაიყო.
პარკი გათვლილია ყველა ასაკობრივ ჯგუფზე და სრულად არის ადაპტირებული შეზღუდული შესაძლებლობების მქონე პირებზე.
პარკის ტერიტორიაზე, მოსასვენებელი სივრცეები, ღია ამფითეატრი, შადრევანი, სასმელი წყლის შადრევნები, სკეიტ პარკი, ველობილიკი, გადმოსახედი ბაქანი, სხვადასხვა ასაკობრივი ჯგუფისთვის განკუთვნილი საბავშვო მოედნები, ატრაქციონები, სპორტული მოედნები, ძაღლების სასეირნო და სავარჯიშო სივრცე მოეწყო. ასევე, განახლდა არსებული საფეხმავლო ხიდი და მდელოს სახით, გაჩნდა საპიკნიკე არეალები.
პარკის ტერიტორია შეივსო მწვანე ნარგავებით. დაირგო 1 191 ძირი ხე, 13 930 ძირი ბუჩქი და 14 193 ბალახოვანი მცენარე. ჰიდროთესვის პრინციპით, 21 061 კვადრატულ მეტრ ფართობზე დაითესა და 3 600 კვადრატულ მეტრ ფართობზე დაიგო ბალახი”, – ნათქვამია მერიის მიერ გავრცელებულ ინფორმაციაში.
![](https://scontent.ftbs10-1.fna.fbcdn.net/v/t39.30808-6/284666548_566970731465424_1548536851764170234_n.jpg?stp=dst-jpg_s600x600&_nc_cat=106&ccb=1-7&_nc_sid=730e14&_nc_ohc=ipwfatIJvx0AX9MYfqb&_nc_ht=scontent.ftbs10-1.fna&oh=00_AT8f4McX_IcAP4k6KO8y4MUMvRc4REs8dNXtW83EUsV-ig&oe=62984966)
![](https://scontent.ftbs10-1.fna.fbcdn.net/v/t39.30808-6/284601164_566970334798797_6550184772354244072_n.jpg?stp=dst-jpg_p526x395&_nc_cat=106&ccb=1-7&_nc_sid=730e14&_nc_ohc=hrKet1eKqJAAX8XwDh5&_nc_oc=AQnmRkS8zaGYEb71_jQHfOD-lY4XcXALONZgN8ZSHdOY7hMs3XiXE4VLV9zcKLrjfrg&_nc_ht=scontent.ftbs10-1.fna&oh=00_AT_Txeim5hMbMDMMdKKMPvsBZAf8Ipl6DFSNBQQ_br5UFw&oe=629786B2)
![](https://scontent.ftbs10-1.fna.fbcdn.net/v/t39.30808-6/284182273_566970378132126_7285414666823079713_n.jpg?stp=dst-jpg_p526x395&_nc_cat=108&ccb=1-7&_nc_sid=730e14&_nc_ohc=A_dt2D7xZd8AX-Ydz1t&_nc_oc=AQkeBzjA-ziBZtbzI3wWGReYyckTa8mP6J8P0emDR_fYPWNJIm-nNnwJ_v3cb74Scq4&_nc_ht=scontent.ftbs10-1.fna&oh=00_AT_5YPs32mTvYRfQOKGHWVBbcquMcIQlSreNUpFIpOjSqg&oe=62990CEE)
![](https://scontent.ftbs10-1.fna.fbcdn.net/v/t39.30808-6/284799890_566970454798785_4019775741865356608_n.jpg?stp=dst-jpg_p526x395&_nc_cat=105&ccb=1-7&_nc_sid=730e14&_nc_ohc=synmEGhwnjsAX9V1yN-&_nc_oc=AQkBNiWoo-E107KZHtTKL8E9wBVcPqxU0PyZz_3S4jP5ee9vlrVmQLEZMsy25LCYv9k&_nc_ht=scontent.ftbs10-1.fna&oh=00_AT9OXZ9IOPCNCviZVXtNTTCpJ1Q8Jm7cnQrszLwWqhBV9g&oe=62989202)
![](https://scontent.ftbs10-1.fna.fbcdn.net/v/t39.30808-6/284716644_566970314798799_3029058174012091180_n.jpg?stp=dst-jpg_s600x600&_nc_cat=103&ccb=1-7&_nc_sid=730e14&_nc_ohc=A0hkFVwTxfMAX_r1U4f&tn=KREGPv_906rZvQ_i&_nc_ht=scontent.ftbs10-1.fna&oh=00_AT8Hj63Yv6HXlMR9AfSgSAXv59yvb_MmSFq5eCCVqCOOBg&oe=62978181)