წარმოიდგინეთ, ამდენი ხალხი ახსენებდა და თან როგორ კონტექსტში ახსენებდა, ფაქტობრივად, გამოდის, რომ ყველაზე პოპულარული ქართველია გარეთ და აქ, შიგნით, უჭირთ ხოლმე ხანდახან პოლიტიკოსებსაც მისი სახელის ხსენება, – ამის შესახებ საქართველოს მესამე პრეზიდენტის დედამ, გიული ალასანიამ კლინიკა “ვივამედში” მიხეილ სააკაშვილის მონახულების შემდეგ განაცხადა.
“ისეთი აღფრთოვანებულია, ისეთი განსხვავებული განწყობა აქვს, ორი დღე მართლაც ძალიან ამაღელვებელი იყო. ჩვენთვისაც, ყველასთვის და ამისთვის განსაკუთრებით. წარმოიდგინეთ, ამდენი ხალხი ახსენებდა და თან როგორ კონტექსტში ახსენებდა, ფაქტობრივად, გამოდის, რომ ყველაზე პოპულარული ქართველია გარეთ და აქ, შიგნით, უჭირთ ხოლმე ხანხადან პოლიტიკოსებსაც მისი სახელის ხსენება. ეს ხომ ფაქტია, ხომ ვიცით, სამწუხაროდ. რავიცი, ლაპარაკი იყო გაყვანაზე, მე რომ მკითხოთ, გაყვანა კი არა საერთოდ რა უნდა ციხეში, ასეთი ადამიანი ციხეში რატომ უნდა გვყავდეს. არ არის ახლა ეს უცნაური ვითარება?” – აცხადებს ალასანია.