პარტიების ნაწილი აცხადებს, რომ სახელისუფლებო გუნდი ელენე ხოშტარიასთან დაკავშირებით გაკეთებული განცხადებებით, ოპოზიციის დისკრედიტაციას ცდილობს. ნაწილი კი “დროას” ლიდერს მოუწოდებს ინფორმაცია გაასაჯაროვოს.
საპარლამენტო პოლიტიკური ჯგუფის “მოქალაქეები” თავმჯდომარის, ალეკო ელისაშვილის განცხადებით, რაც უფრო მეტად მალავ რაღაცას, მასზე უფრო მეტი კითხვები ჩნდება.
“რაც უფრო რამეს არ ასაჯაროვებ, უფრო მეტი კითხვები ჩნდება, ძალიან მარტივია. კითხვები არის იქ, სადაც რაღაც არის დახურული და დამალული.
რა თქმა უნდა, ელენე ხოშტარიას ადგილზე ყველაფერს მკაფიოს და ნათელს გავხდიდი, რომ რამე მითქმა – მოთქმა ამასთან დაკავშირებით არ იყოს. არავის ჭკუას არ ვარიგებ, მაგრამ რუსულ ფულს, როგორი წარმომავლობისაც არ უნდა იყოს, მე ხელს საერთოდ ვერ მოვკიდებ”, – აცხადებს ალეკო ელისაშვილი.