მსოფლიო შესაძლოა, ახალი სასურსათო კრიზისის წინაშე აღმოჩნდეს, ოღონდ ამჯერად – ინდოეთის გამო, რადგან მაღალმა ინფლაციამ და ამინდის პირობებმა ბრინჯის წარმოება შეაფერხა.
ამის შესახებ Al Jazeera იტყობინება.
ინდოეთი მსოფლიოს 100 ქვეყანას მარცვლეულის, დაახლოებით, 40%-ს აწვდის. მისი ძირითადი ბაზრებია: ბანგლადეში, ჩინეთი, ნეპალი და აღმოსავლეთის სხვა ქვეყნები.
აზია ბრინჯის უმეტეს ნაწილს მოიხმარს, რაც ამ პროდუქტს სასიცოცხლოდ მნიშვნელოვანს ხდის რეგიონის პოლიტიკური და ეკონომიკური სტაბილურობისთვის.
თუმცა, წელს ინდოეთი გვალვას და ძლიერ ინფლაციას განიცდის. ზოგიერთ რაიონში, ნალექის არარსებობის გამო, კულტივირებული ფართობები 13%-ით შემცირდა, რაც წარმოების თვალსაზრისით ძალიან ბევრია.
როგორც ქვეყნის სოფლის მეურნეობის სამინისტროს ყოფილმა მდივანმა, სირაჯა ჰუსეინამ თქვა, ”ამჟამად, წარმოების დანაკარგების ზუსტი დონის შეფასება რთულია.”
Al Jazeera აღნიშნავს, რომ „ბრინჯის“ სექტორში არსებული პრობლემები ინდოეთში ისედაც მაღალ ინფლაციას აჩქარებს. ამ დროისთვის, ქვეყანას მხოლოდ ამინდი და მუსონური წვიმები დაეხმარება.
სოფლის მეურნეობის ზოგიერთი მეცნიერი ოპტიმისტურად არის განწყობილი. ისინი ამბობენ, რომ თესვის გასაგრძელებლად დრო კიდევ არის და დეფიციტის ანაზღაურება შესაძლებელია. მათი თქმით, აგვისტოდან სექტემბრამდე მოსალოდნელია ნალექის საკმარისი რაოდენობა, რაც მოსავლიანობას გაუმჯობესებას შეუწყობს ხელს.