„ხელშეუხებელია, თუ ამას აკეთებს ეკლესია, იმიტომ, რომ გვახსოვს, როგორი მოწიწებით ეპყრობიან ჩვენი უწყებები ეკლესიის წარმომადგენლებს“, – ამის შესახებ აქტივისტმა ნატა ფერაძემ ტელეკომპანია „პირველის“ ეთერში განაცხადა.
როგორც მან აღნიშნა, ეკლესიას შემოსავლების შემოწმებას ვერცერთი უწყება ვერ გაუბედავს. მისი აზრით, თანხები, რომლებიც ეკლესიების ასაშენებლად არის მიმართული, ძალიან მკაცრად უნდა კონტროლდებოდეს, რადგან კანონდარღვევითაა მოპოვებული.
„ხელშეუხებელია, თუ ამას აკეთებს ეკლესია, იმიტომ, რომ გვახსოვს, როგორი მოწიწებით ეპყრობიან ჩვენი უწყებები ეკლესიის წარმომადგენლებს. ვერცერთი უწყება ვერ გაუბედავს ასეთ გაზულუქებულ ეკლესიას, რომ უთხრას, მე ახლა შენ შეგიმოწმებ ფულს, ეს თუ „წმინდა საქმეზე“, ეკლესიის აგებაზე არის დახარჯული ეს თანხა. არად, ყველა ეს თანხა მოპოვებულია კანონდარღვევით და ცივილიზებულ, სეკულარულ სახელმწიფოში მსგავსი თანხები ძალიან მკაცრად უნდა მოწმდებოდეს“, – განაცხადა ნატა ფერაძემ.