ნარატივი რაც დღეს ჩვენს მიმართ მიმდინარეობს, ვფიქრობ, არ არის სწორი, – ამის შესახებ საქართველოს თავდაცვის მინისტრმა, ჯუანშერ ბურჭულაძემ უკრაინის პრეზიდენტის ოფისის ხელმძღვანელის მრჩევლის მიხაილ პოდოლიაკის განცხადების შეფასებისას აღნიშნა.
როგორც თავდაცვის მინისტრმა განაცხადა, იყო არაერთი მცდელობა, რომ უკრაინელ ძმებთან ურთიერთობების დათბობა მომხდარიყო.
„ჩვენ არაერთხელ ვცადეთ, რომ პირადი ურთიერთობები უფრო მეტად დაგვეთბო ჩვენს უკრაინელ ძმებთან, ეს ნარატივი, რაც დღეს ჩვენ მიმართ მიმდინარეობს, ვფიქრობ, არ არის სწორი“, – განაცხადა ჯუანშერ ბურჭულაძემ.
ცნობისთვის, მიხაილ პოდოლიაკის განცხადებით, საქართველოში თანამდებობის პირებმა ტონი უნდა შეცვალონ, თუ გარკვეული მიზეზების გამო, ეს არ შეუძლიათ, მაშინ საჯარო გამოსვლები, რომელიც უკრაინას ეხება, შეამცირონ, ეს მათი რეპუტაციისთვის იქნება კარგი.