“ესღა გვაკლდა საქართველოში და ამასაც მივაღწიეთ, რომ უცხო ქვეყნის მოქალაქე გვიწუნებს გამოსვლებს, იდეოლოგიას, აზროვნების სტილს და გვამუნათებს რა უნდა გავაკეთოთ, როგორ ვიცხოვროთ, როგორ ვიაზროვნოთ”,- ამის შესახებ საპარლამენტო უმრავლესობის წევრმა გია ცაგარეიშვილმა განაცხადა, რითაც უკრაინის ფრაქცია „ხალხის მსახურის“ თავმჯდომარე დავით არახამიას განცხადებას გამოეხმაურა.
მისი თქქმით, არახამია როგორც ჩანს, საბოლოოდ გახდა „ნაციონალური მოძრაობის“ წევრი.
„ეს გახდა მისი ცხოვრების წესი, რომ გააკონტროლოს ჩვენი „მესიჯბოქსი“, რაზე ვსაუბრობთ, ვის ვაკრიტიკებთ, ვის არ ვაკრიტიკებთ. არადა, სხვა საჭიროებები, სხვა განსაცდელი უდგას ახლა უკრაინას, განუზომლად ბევრად საზარელი, ვიდრე ის, რომ ჩემი გამოსვლები და ჩემი გამოსვლების ტექსტები აკონტროლოს ვინმე არახამიამ, ესღა გვაკლდა საქართველოში და ამასაც მივაღწიეთ, რომ უცხო ქვეყნის მოქალაქე გვიწუნებს გამოსვლებს, იდეოლოგიას, აზროვნების სტილს და გვამუნათებს რა უნდა გავაკეთოთ, როგორ ვიცხოვროთ, როგორ ვიაზროვნოთ. ქართული ოპოზიციის სუფლიორობა გახდა როგორც ჩანს, ამ ბატონის ცხოვრების წესი, რომელიც არის მეგობარი ქვეყნის ერთ- ერთი ლიდერი. მინდა მას „ნაციონალური მოძრაობის“ სუფლიორობა მივულოცო,”- განაცხადა ცაგარეიშვილმა.