უკრაინის შეიარაღებული ძალების გენერალური შტაბის ინფორმაციით, რუსეთი დონბასში რამდენიმე მიმართულებით შეტევაში გადავიდა.
„სლავიანსკის მიმართულებაზე დაფიქსირებულია სროლა ტანკების, არტილერიისა და ზალპური ცეცხლის რეაქტიული სისტემების გამოყენებით.
კრამატორსკის მიმართულებაზე მოწინააღმდეგე აწარმოებდა სროლას არტილერიის გამოყენებით და საჰაერო დაზვერვას საბრძოლო ქმედებების რაიონში. ივანო-დარიევკასთან ოკუპანტი გადასულია შეტევაში, ბრძოლები გრძელდება.
ბახმუტის მიმართულებაზე დაზიანებულია სამოქალაქო ინფრასტრუქტურა ზაიცევოს, ბახმუტსკოეს, ვესელოეს, ბახმუტის, ანდრეევკის, კოდემის და მაიორსკის მახლობლად“, – აღნიშნულია უკრაინული გენშტაბის განცხადებაში.
კომენტარები