“ჩვენ მხარს ვუჭერთ უკრაინის სუვერენიტეტს, ვგმობთ რუსეთის აგრესიას, ამ ფონზე მათი მხრიდან ხდება უსაფუძვლო ჩანაწერების მხარდაჭერა”

56 დეპუტატი უჭერდა რეზოლუციის ამ პუნქტს და მხარდამჭერების უმრავლესობა უკრაინელი დეპუტატი იყვნენ. ეს განსაკუთრებით სამწუხარო და გულსატკენია, – განაცხადა „ქართული ოცნების“ თავმჯდომარემ, ირაკლი კობახიძემ ევროსაბჭოს საპარლამენტო ასამბლეის რეზოლუციასთან დაკავშირებით.

„ჩვენ ყველა ფორმატში მხარს ვუჭერთ უკრაინის სუვერენიტეტს, ტერიტორიულ მთლიანობას და ვგმობთ რუსეთის აგრესიას. ამ ფონზე მათი მხრიდან ხდება უსაფუძვლო ჩანაწერების მხარდაჭერა, რაც გულსატკენი და სამწუხაროა“, – აღნიშნა კობახიძემ.

ევროსაბჭოს საპარლამენტო ასამბელეამ რუსეთის წინააღმდეგ რეზოლუცია მიიღო. დოკუმენტის მეოთხე პუნქტი მოუწოდებს რუსეთის ხელისუფლებას, ასევე სხვა ქვეყნებს, გაათავისუფლონ პოლიტიკური პატიმრები. ამ კონტექსტში ვლადიმერ კარა – მურზასთან ერთად ნახსნებია საქართველოს ყოფილი პრეზიდენტი მიხეილ სააკაშვილიც. რეზოლუციაში ჯამში 14 შესწორება შევიდა. მიხეილ სააკაშვილი რეზოლუციის მეოთხე პუნქტშია ნახსნები.