ანტიკორუფციული ბიურო ანგარიშვალდებული იქნება პარლამენტისა და უწყებათაშორისი ანტიკორუფციული საბჭოს წინაშე. კერძოდ, ბიუროს ხელმძღვანელი წლიურ ანგარიშს წარუდგენს პარლამენტს, ხოლო პერიოდულ ანგარიშებს წარუდგენ უწყებათაშორის ანტიკორუფციული საბჭოს, -ამის შესახებ პარლამენტის იურიდიულ საკითხთა კომიტეტის თავმჯდომარე, ანრი ოხანაშვილმა ბრიფინგზე განაცხადა.
„რაც შეეხება ანტიკორუფციული ბიუროს უფროსის თანამდებობაზე დანიშვნას, ამასთან დაკავშირებით შემოთავაზებულია შემდეგი წესი: ანტიკორუფციული ბიუროს უფროსის კანდიდატურებს ღია კონკურსის საფუძველზე, გამჭვირვალე პროცედურების დაცვით, შეარჩევს სახელმწიფო უწყებებისა და სამოქალაქო საზოგადოების მონაწილეობით შექმნილი საკონკურსო კომისია და თანამდებობაზე დასანიშნად წარუდგენს პრემიერს, ხოლო პრემიერ-მინისტრი შერჩეული კანდიდატებიდან შეარჩევს და დანიშნავს ანტიკორუფციული ბიუროს უფროსს. ეს საკანონმდებლო ცვლილებები მთლიანობაში ემსახურება ეროკომისიის 12-პუნქტიანი გეგმის მე-4 პუნქტის შესრულებას და ევროკავშირის წევრობის კანდიდატობის სტატუსის საქართველოსთვის მინიჭებას“, – განაცხადა ოხანაშვილმა.