ინტენსიურად მიმდინარეობს ახალი პოლიტიკური პოლუსის შექმნა, რომელიც დაექვემდებარება კეზერაშვილს, მის ფინანსურ რესურსებს და სურთ, რომ პოლიტიკურ ველზე მიმობნეული ნაცმოძრაობის ნარჩენები შეკრიბონ ამ სამეულის გარშემო’’ – ამის შესახებ პარლამენტის პირველმა ვიცი-სპიკერმა გიორგი ვოლსკიმ განაცხადა.
,,საკმაოდ რთული წარსული აქვს სამივე პარტიას, ნაცმოძრაობასთან ერთად. მე ვფიქრობ, რომ აი, ამ რთული ვითარებაში, რაც მთელ მსოფლიოშია, რა საკვირველია, ოპოზიცია სჯობს, რომ იყოს მკაცრიც, კონსტრუქციულიც და გაცილებით უფრო ინტელექტუალური, თავისი განვლილი პოლიტიკური ცხოვრებით უფრო სუფთა და ჩამოყალიბებული. პოლიტიკური გუნდი, რომელიც გამოხატავს ამ საზოგადოების გარკვეული ნაწილის ინტერესებს. სამწუხაროდ, დღეს ასეთი სურათი არა გვაქვს,’’ – განაცხადა გიორგი ვოლსკიმ.
ვაშაძე-ჯაფარიძე-ხოშტარია ოპოზიციური გაერთიანების იდეით რამდენიმე დღის წინ გამოვიდნენ. ისინი დღეს სამოქალაქო სექტორთან და მოსახლეობასთან შეხვედრას მართავენ. მიუხედავად იმისა, რომ თავად არ ერთვებიან ევრო რეკომენდაციის შესასრულებლად შექმნილ სამუშაო ჯგუფებში, ქვეყნის ევროპულ პერსპექტივას პარლამენტს გარეთ განიხილავენ და სამოქმედო გეგმებს თავიანთ აუდიტორიას აცნობენ