“რადიკალური ოპოზიციის მიერ კონტროლირებადმა მედიასაშუალებებმა გადამოწმების გარეშე გაავრცელეს დეზინფორმაცია, თითქოს, ბიზნესმენმა ვანო ჩხარტიშვილმა ფულადი ჯილდო გადასცა ქალბატონ ნანა გოთუას, რომელიც მისი მეუღლე და საქველმოქმედო ფონდის “ქართული გალობა” ხელმძღვანელია – ჯილდო საპატიო ოზურგეთელებისთვის სწორედ აღნიშნულმა ფონდმა დააწესა”, – ამის შესახებ ოზურგეთის მერმა, ავთანდილ თალაკვაძემ სოციალურ ქსელში დაწერა.
მისივე თქმით, დეზინფორმაცია გამიზნული იყო ბიზნესმენ ვანო ჩხარტიშვილის და მისი ოჯახის დისკრედიტაციისთვის.
“ასეთი სიცრუის გავრცელება არც ლოგიკას, არც ჟურნალისტიკის სტანდარტებს და ეთიკას შეესაბამება. აშკარაა, რომ დეზინფორმაცია გამიზნული იყო ბიზნესმენ ვანო ჩხარტიშვ\ის და მისი ოჯახის დისკრედიტაციისთვის.
სინამდვილეში, ფონდის მიერ დაწესებული 10 000-10 000 ლარი გადაეცა ოზურგეთის მერიის მიერ საპატიო ოზურგეთელის წოდებაზე ნომინირებულ ათიდან ცხრა ადამიანს, ყველას, ქალბატონი ნანა გოთუას გამოკლებით. მოვუწოდებთ ოპოზიციის მიერ კონტროლირებად მედია საშუალებებს, დაუყოვნებლივ შეასწორონ გამოქვეყნებული ყალბი ინფორმაცია”, – წერს თალაკვაძე.
