შეიძლება კეზერაშვილზე თქვა, რომ საქართველოდან პოლიტიკური დევნილია? ან სააკაშვილი პოლიტპატიმარია? თურმე მედიას ვებრძვით და ნიკა გვარამიას საქმე ჰყავთ მოყვანილი მაგალითად. აი, ასეთ უსამართლო ანგარიშთან შეიძლება გვქონდეს საქმე „ნაციონალური მოძრაობის“ ფასიანი ლობისტების დამსახურებით, – ამის შესახებ „ქრონიკის“ ეთერში საპარლამენტო უმრავლესობის წევრმა, ირაკლი ზარქუამ განაცხადა.
„ჩვენი ევროპელი პარტნიორები პერიოდულად ამზადებენ ანგარიშს, რომელშიც მოხსენიებულია გამოწვევები, რომლებიც გვაქვს ევროინტეგრაციის გზაზე, მათ შორის ის, თუ როგორ ასრულებს საქართველო, ცალკეული სამინისტროები და უწყებები მოცემულ დავალებებს. მინდა გითხრათ, რომ ბევრ გრაფიკს ვუსწრებთ კიდეც ამ გზაზე. ამასთან დაკავშირებით სვენ მიქსერს მომზადებული აქვს ანგარიში. ეს უნდა ყოფილიყო განხილვის საგანი, თუმცა „ნაციონალური მოძრაობის“ მიერ დაქირავებული ლობისტები, EPP-ის წევრები ცდილობენ, რამენაირად, როგორც ევროსაბჭოს რეზოლუციაში შეაპარეს ცვლილება ბოლო წამში, ამ ანგარიშშიც მოახვედრონ პოლიტიკური ნაწილი, სადაც თურმე სააკაშვილთან ერთად პოლიტპატიმრად უნდა ვაღიაროთ კეზერაშვილი. ეს არის აბსურდის თეატრი. ამ სისულელის შეტანა სურთ ანგარიშში. 11-12 ფასიანი ლობისტია, ვინც ამაზე მუშაობს. შეიძლება კეზერაშვილზე თქვა, რომ საქართველოდან პოლიტიკური დევნილია? ან სააკაშვილი პოლიტპატიმარია? თურმე მედიას ვებრძვით და ნიკა გვარამიას საქმე ჰყავთ მოყვანილი მაგალითად. აი, ასეთ უსამართლო ანგარიშთან შეიძლება გვქონდეს საქმე ამ ფასიანი ლობისტების დამსახურებით“, – აცხადებს ზარქუა.