გარემოს ეროვნული სააგენტოს მოკლევადიანი პროგნოზების სამართველოს ინფორმაციით, საქართველოს მთელს ტერიტორიაზე დღეს უნალექო ამინდია მოსალოდნელი. ყინვა შესუსტდება და დასავლეთ საქართველოს დაბლობსა და შავი ზღვის სანაპირო რაიონებში ჰაერის მაქსიმალური ტემპერატურა დღისით 10-12 გრადუსი იქნება, მთიან რაიონებში -2;+3, ხოლო მაღალმთაში – 0;-5 გრადუსი.
აღმოსავლეთ საქართველოში ჰაერის ტემპერატურა დღისით დღესაც მოიმატებს და ბარში მაქსიმალური ტემპერატურა 3-8 გრადუსი იქნება; მთიან რაიონებში – -1;+4; ხოლო მაღალმთაში – -7-5 გრადუსი.
დღეს ღამით საქართველოში ყინვა შენარჩუნდება, განსაკუთრებით აღმოსავლეთ საქართველოში. დასავლეთ საქართველოს დაბლობში ღამით ჰაერის მაქსიმალური ტემპერატურა 0-5 გრადუსი იქნება. შესაბამისად, ყინვა მთიან და მაღალმთიან რაიონებშიც შესუსტდება.
ყინვა შესუსტდება დღეს ღამით აღმოსავლეთ საქართველოს ბარშიც -3-5 გრადუსამდე; ზოგიერთ რაიონში +2 გრადუსი იქნება. მთიან რაიონებში ყინვები -5-13 გრადუსამდე შენარჩუნდება.
25-26 დეკემბერს კი საქართველოს მთელს ტერიტორიაზე ნალექია მოსალოდნელი, მთიან და მაღალმთიან რაიონებში კი თოვლის სახით.