ჩვენ მიერ შემუშავებული გამწვანების პოლიტიკის შესაბამისად ვაგრძელებთ დედაქალაქში მწვანე სივრცეების მოწყობასა და რეაბილიტაციას. ამჯერად, კიდევ ერთი რეკრეაციული სივრცე და სპორტული მოედანი მოეწყო ისანში, კერძოდ, ვაზისუბნის მე-3 მიკრორაიონის მე-2 კვარტალის მიმდებარედ. გარდა ამისა, დაიგო ასფალტის საფარი, – ამის შესახებ დედაქალაქის მერმა, კახა კალაძემ თბილისის მთავრობის სხდომაზე განაცხადა.
მერის თქმით, თანამედროვე სტანდარტების რეკრეაციული სივრცე 5000 კვადრატულ მეტრზე მოეწყო.
„ტერიტორიაზე განთავსდა საბავშვო ატრაქციონები, დასასვენებელი სივრცეები, ფიტნეს ზონა, მაგიდის ჩოგბურთის სათამაშო სივრცე, ასევე დამონტაჟდა გარე განათების ქსელი. ტერიტორია ღობითა და საბაღე გაზონით შემოისაზღვრა.
გარდა ამისა, დაირგო სხვადასხვა ჯიშის ხე-მცენარეები, დამონტაჟდა სკამები და სეპარირებული ურნები და დაიგო დეკორატიული ფილები.
სამუშაოები ჯამში 11 000 კვადრატულ მეტრზე განხორციელდა და მათი საერთო ღირებულება 2 332 540 ლარია.
გზის ორივე მხარეს მოეწყო შეზღუდული შესაძლებლობების მქონე პირებისთვის ადაპტირებული ტროტუარები და ფეხით სავალი ბილიკები“, – განაცხადა კახა კალაძემ.