N5 პენიტენციურ დაწესებულებაში მყოფი 150- მდე ქალი მსჯავრდებული ჭრა-კერვის, სტილისტის, კომპიუტერული პროგრამების, სამეწარმეო საქმიანობისა და აგრონომიის მიმართულებით გადამზადდნენ, – ამის შესახებ ინფორმაციას მსჯავრდებულთა პროფესიული მომზადებისა და გადამზადების ცენტრი ავრცელებს.
მათივე ინფორმაციით, სასწავლო კურსის წარმატებით დასრულების შემდეგ, მსჯავრდებულებს სერტიფიკატები ცენტრის დირექტორმა თამთა დემურიშვილმა და ასოციაციის პრეზიდენტმა ნინო ელიზბარაშვილმა გადასცეს.
სასწავლო კურსების ფარგლებში, მსჯავრდებულებს ასევე, შესაძლებლობა ჰქონდათ სამუშაოს მოძიების ახალი უნარ-ჩვევები შეეძინათ, სამოქალაქო განათლებისა და შრომითი უფლებების მიმართულებით ცოდნა გაეღრმავებინათ.პროექტი, მსჯავრდებულთა პროფესიული მომზადებისა და გადამზადების ცენტრსა და საერთაშორისო ასოციაცია – „ქალი და ბიზნესს” შორის გაფორმებული ურთიერთთანამშრომლობის მემორანდუმის ფარგლებში განხორციელდა.