იურიდიულ საკითხთა კომიტეტი იუსტიციის უმაღლესი საბჭოს არამოსამართლე წევრობის კანდიდატებთან გასაუბრებას აგრძელებს. დეპუტატები დღეს 7 კანდიდატს გაესაუბრებიან. ხუთი ვაკანტური ადგილის დასაკავებლად 32 კანდიდატი იბრძვის.
„მნიშვნელოვანია, რომ ეს პროცესი გამჭვირვალედ და მაქსიმალურად ღიად მიმდინარეობს. ყველას აქვს შესაძლებლობა, მონაწილეობა მიიღოს ამ პროცესში. განსაკუთრებით მნიშვნელოვანია, რომ პოლიტიკური ჯგუფები ესწრებოდნენ ამ სხდომებს და დასვან შეკითხვები. სამწუხაროდ, პოლიტიკური ოპონენტები დიდად არ აქტიურობდნენ საკომიტეტო სხდომებზე“, – აცხადებს კომიტეტის თავმჯდომარე ანრი ოხანაშვილი.
იუსტიციის უმაღლესი საბჭოს არამოსამართლე წევრების ასარჩევად 90 დეპუტატის ხმაა საჭირო, რაც იმას ნიშნავს, რომ უმრავლესობასა და ოპოზიციას კანდიდატებზე შეთანხმება მოუწევთ.
კომენტარები