კოლექტიური „ნაცმოძრაობის“ სენმა ოჯახებშიც შეაღწია და მამაშვილურ ეტიმიოლოგიაზეც იქონია გავლენა, ეს ადამიანები საკუთარ ამბიციას ფუთავენ, რომ დესტრუქციული გზით ხელისუფლება შეცვალონ, — ამის შესახებ პარლამენტის საპროცედურო საკითხთა კომიტეტის თავმჯდომარემ, დავით მათიკაშვილმა განაცხადა.
მისივე თქმით, 4 ოქტომბრის საქმეზე დანაშაულის ამღიარებელთა მიმართ სახელმწიფო ადეკვატურად ჰუმანურია.
„4 ოქტომბრის აქცია ძალადობრივი იყო და მიზნად ისახავდა ხელისუფლების დამხობას, მიუხედავად ამისა, ვინც მოინანიებს და აღიარებს დანაშაულს, სახელმწიფო იქნება ადეკვატურად ჰუმანური. ცალკეული დამნაშავეები სახელმწიფოს ამ სწორი მიდგომით სარგებლობენ, ისინი დანაშაულს აღიარებენ და მათ მიმართ სახელმწიფოს მიერ ადეკვატური მიდგომა არ აგვიანებს.
ზოგი ამ საკითხს ნეგატიურ კონტექსტში აშუქებს, რომ დაამუნათოს ის ადამიანები, ვინც დანაშაულს აღიარებს, ოჯახებშიც მძიმე რეალობაა, შვილს არ უნდა, მამა გარეთ აღმოჩნდეს. ეს კოლექტიური „ნაცმოძრაობის“ სენია, რომელმაც ოჯახებშიც შეაღწია და მამაშვილურ ეტიმიოლოგიაზეც მოახდინა გავლენა. ეს ადამიანები საკუთარ ამბიციას ფუთავენ, რომ დესტრუქციული გზით ხელისუფლება შეცვალონ“, — განაცხადა მათიკაშვილმა.