„ნაციონალური მოძრაობის“ პოლიტსაბჭოს თავმჯდომარის, კობა ნაყოფიას განცხადებით, პარტიაში მიიღეს გადაწყვეტილება, თუ როდის და რომელ პლატფორმაზე ჩატარდება პარტიის შიდა არჩევნები.
„კანდიდატების წარმომადგენლებმა შემოიტანეს ორი პროექტი. ფეისბუკ და ბლოკჩეინის პლატფორმა. მეორე მხარემ დაუჭირა მხარი ბლოკჩეინს. 69 1-ის წინააღმდეგ. გადაწყვეტილება მიღებული იქნა ბლოკჩეინის სასარგებლოდ, რომელიც წარმოადგინა ნიკა მელიას ჯგუფმა.
რაც შეეხება თარიღს, მე როგორც პოლიტსაბჭოს თავმჯდომარემ, არჩევნების ჩატარების თარიღად დავასახელე 2023 წლის 28-29 იანვარი, ამ საკითხზეც სრული მხარდაჭერა იყო, პრაქტიკულად არცერთი ყოფილა წინააღმდეგი. არჩევნების დღედ განისაზღვრა 28-29 იანვარი. კანდიდატთან რეგისტრაცია შეწყდება, სამშაბათს (13 დეკემბერი), საღამოს 6 საათზე“, – განაცხადა ნაყოფიამ.
ნაყოფიამ, ასევე, არ დამალა, რომ არჩევნებში მხარს პარტიის მოქმედ თავმჯდომარეს, ნიკა მელიას უჭერს.
„მე როგორც პოლიტსაბჭოს თავმჯდომარე, ყველა საკითხებში ორივე მხარის მოსაზრებას ვითვალისწინებ და ვცდილობ პოლიტსაბჭოს მხრიდან, ყველა კანდიდატს ჰქონდეს თანაბარი უფლებები. მიუხედავად ამისა, ნებისმიერ პოლიტსაბჭოს თუ პარტიის წევრს გააჩნია საკუთარი მოსაზრებას ამა თუ იმ კანდიდატის მიმართ, მე არც ვმალავ ამას, რომ მხარს ვუჭერ ნიკა მელიას“, – აღნიშნა ნაყოფიამ.