“არ შეიძლება, 400 დღე ადამიანის სიკვდილზე ისაუბროთ. არ შეიძლება, 400 დღე საკუთარი ბელადის სიკვდილზე ისაუბროთ. სირცხვილი. 400 დღე საუბრობთ ერთი კაცის სიკვდილზე. ეს აჩვენებს თქვენს დამოკიდებულებას ამ კაცის მიმართ და დაანებეთ ამ კაცს თავი”, – ამის შესახებ “ქართული ოცნების” თავმჯდომარემ, ირაკლი კობახიძემ მიხეილ სააკაშვილის ჯანმრთელობის მდგომარეობასთან დაკავშირებით ჟურნალისტებს განუცხადა.
მისივე თქმით, სახელმწიფო ნებისმიერი პატიმრის უფლებებზე პასუხისმგებელია.
„საქართველოს ხელისუფლება, შესაბამისი უწყებები იღებენ პასუხისმგებლობას 9 200 პატიმარზე. რაც შეეხება საერთო მდგომარეობას ციხეებში, შეგახსენებთ, რომ ათჯერ არის შემცირებული სიკვდილიანობის მაჩვენებელი ციხეებში. ეს არის სწორედ იმის დამსახურება, რომ არის სათანადო მოპყრობა პატიმრების მიმართ. ერთადერთი, რაზეც ჩვენ ვიღებთ პასუხისმგებლობას, ეს არის ადამიანის უფლებების დაცვა ნებისმიერი პატიმრისთვის, როგორი მძიმე დანაშაულიც უნდა ჰქონდეს მას ჩადენილი“, – განაცხადა კობახიძემ.