სააკაშვილის ფსიქოტიპი გულისხმობს ამ ქცევას, მაგრამ ხომ არ გეჩვენებათ, რომ გარკვეულწილად საშიშიც არის მისი აგრესია და თავდასხმები. ალბათ, ფსიქიატრებმა ხმა უნდა ამოიღონ, არ შეიძლება ასე, – განაცხადა დამოუკიდებელმა ექსპერტმა მაია ნიკოლეიშვილმა პენიტენციური სამსახურის მიერ მიხეილ სააკაშვილზე გავრცელებული ვიდეოკადრების შეფასებისას.
მისი თმით, ძალიან მძიმე და დამთრგუნველი იყო ეს კადრები, რეალობის ნახვა, იმ ფონზე, რა ემოციებიც არის მისი მხარდამჭერების მხრიდან.
„მინდა, მივმართო ჩემ კოლეგებს, რომლებიც ასევე ექსპერტები არიან, ახლო სპეციალობიდან, მათ არაფერს ეუბნება თითების ასეთი მოძრაობა? არ მინდა ჩემი კომპეტენციიდან გავიდე, მაგრამ ალბათ, ფსიქიატრებმა ხმა უნდა ამოიღონ, არ შეიძლება ასე. თუ ჩვენ ვსაუბრობთ ამაზე, მათაც უნდა გაბედონ და თქვან სიმართლე, რასაც ფიქრობენ. მე ვერ დავსვამ დიაგნოზს, მაგრამ აქ რომ ძალიან არის ყურადღებაა მისაქცევი ამ მიმართულებაზე, ამაში დარწმუნებული ვარ და მათი დუმილი მაოცებს. ნუთუ, ყველა პოლიტიზებულია? მე არ თანავუგრძნობ მიხეილ სააკაშვილს, მაგრამ ექიმი ვარ და ვალდებული ვარ, დავრჩე ობიექტური. ვალდებული ვარ, ჩემი ემოცია გვერდზე გადავწიო. აუცილებელია ეს და ყველა ექიმი, ვინც ეს ქცევები დაინახა, ვალდებულია ამაზე ისაუბროს. რაც შეეხება სიმულაციას, მე მაინც თავს შევიკავებ ვთქვა, ღიად სიმულაცია, რადგან მე სასამართლო სამედიცინო ექსპერტი ვარ და სიმულაცია აუცილებლად უნდა იყოს დასაბუთებული იმ მეთოდებით, რომელსაც ჩვენ ვიყენებთ ხოლმე. სიმულაცია დახურულ სივრცეებში, პენიტენციურ დაწესებულებებში საკმაოდ ცნობილი ფაქტია, ამაზე უამრავი ლიტერატურაა და დიდი გამოცდილებაა დაგროვილი და ეს ახალი არ არის და ჩვენ ეს არ გვიკვირს“, – განაცხადა მაია ნიკოლეიშვილმა.