უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინელი ბავშვები სანტა კლაუსს იარაღს, საჰაერო თავდაცვის სისტემებსა და გამარჯვებას სთხოვენ.
„უკრაინელი ბავშვები სანტა კლაუსისთვის მიწერილ წერილებში ითხოვენ საჰაერო თავდაცვას, იარაღს, გამარჯვებას – გამარჯვებას მათთვის, გამარჯვებას ყველა უკრაინელისთვის. მათ ყველაფერი ესმით. მოდით ვიმოქმედოთ!“ – განაცხადა უკრაინის პრეზიდენტმა.
ვოლოდიმირ ზელენსკიმ დასავლელ ლიდერებს მოუწოდა, უკრაინას შეიარაღების სისტემების ფართო სპექტრი მიაწოდონ.
„თქვენზე ბევრი რამ არის დამოკიდებული – როგორ დასრულდება ეს ომი. რაც უფრო წარმატებული იქნება ჩვენი თავდაცვის ძალები, მით უფრო სწრაფად ჩავარდება რუსული აგრესია“, – აღნიშნა უკრაინის პრეზიდენტმა.
„გთხოვთ გაზარდოთ ჩვენი ქვეყნისთვის საჰაერო თავდაცვის სისტემების მიწოდების შესაძლებლობა და დააჩქაროთ ჩვენი პარტნიორების მიერ შესაბამისი გადაწყვეტილებების მიღება“, – განაცხადა ვოლოდიმირ ზელენსკიმ.