ამხანაგების მისაშველებლად ჩავიდა და ამ დროს დაიჭრა, – განაცხადა საგარეჯოში მომხდარი თავდასხმისას ერთ-ერთი დაჭრილის დედამ, ნათია კომახიძემ „ქრონიკასთან“.
„ამასაც სროლა აუტეხა. ჩემი აზრით [თავდამსხმელი] ფსიქიკურად ჯანსაღი არ იყო. ამათ არაფერი დაუშავებიათ, თავიანთ გზაზე მიდიოდნენ“, – აღნიშნა მან.
საგარეჯოში მომხდარი თავდასხმის შედეგად 6 ადამიანი გარდაიცვალა და 5 დაშავდა. მათაგნ ოთხი, საგარეჯოს „ჯეოჰოსპიტალსის“ კლინიკაში გადის მკურნალობას. ორ დაჭრილს ოპერაცია უკვე ჩაუტარდა, ორის ოპერაცია კი, ამ დრომდე მიმდინარეობს.
19 იანვარს, საგარეჯოში შეიარაღებულმა პირმა საკუთარი სახლის აივნიდან ცეცხლი ავტომატიდან ქუჩაში მყოფ ხალხს გაუხსნა. გარდაცვლილთაგან 4 კორპუსის ეზოში მყოფი ადამიანია, ერთი – შემთხვევის ადგილზე მისული პოლიციელი, რომელიც საავადმყოფოში მიყვანისას გარდაიცვალა, ერთი კი თავად თავდამსხმელი, რომელმაც სროლების განხორციელების შემდეგ სიცოცხლე თვითმკვლელობით დაასრულა. პირი, რომელიც საგარეჯოს ცენტრში ისროდა 48 წლის ნოდარ ათუაშვილი იყო. ყოფილი სამხედრო თავდაცვის სამინისტროს 2006-21 წლებში მუშაობდა. მონაწილეობდა ავღანეთის მისიაშიც. საგარეჯოში სპეცოპერაცია რამდენიმე საათის განმავლობაში მიმდინარეობდა. ადგილზე იმყოფებოდა შინაგან საქმეთა მინისტრი ვახტანგ გომელაური.