საქართველოს მესამე პრეზიდენტი ბუბა კიკაბიძესთან ბოლო შეხვედრას იხსენებს. მიხეილ სააკაშვილის პოსტი მის ოფიციალურ გვერდზე გამოქვეყნდა. ექსპრეზიდენტი წერს:
“ეს იყო ჩვენი ბოლო შეხვედრა. მინდოდა ავმდგარიყავი და გადავხვეოდი. თვითონ ძლივს იდგა ფეხზე, მაგრამ გამაჩერა, მაკოცა და მითხრა “მიშა, მიყვარხარ”. ეს იყო მისი ბოლო სიტყვები, რომელიც მოვისმინე. მეც მინდა ვუპასუხო ახლა – ბუბა, მიყვარხარ და მაკლიხარ (იმედია იმქვეყნად ინტერნეტი კარგად მუშაობს…)”
ბუბა კიკაბიძისა და მიხეილ სააკაშვილის “ვივამედში“ შეხვედრის კადრები ორი დღის წინ “ტვ პირველმა” გაავრცელა. ეს იყო კიკაბიძის ერთ-ერთი ბოლო გამოჩენა საჯარო სივრცეში და ის მაშინ მთავრობას მიმართავდა, გადაეყვანათ სააკაშვილი საზღვარგარეთ. კადრები ივნისშია გადაღებული.
