საქართველოს საგარეო საქმეთა მინისტრი ილია დარჩიაშვილი 15-16 თებერვალს საბერძნეთს ეწვევა.
საგარეო საქმეთა სამინისტროს ინფორმაციით, ვიზიტის ფარგლებში ილია დარჩიაშვილი შეხვედრებს გამართავს საბერძნეთის პრეზიდენტ კატერინა საკელაროპულოსთან და საგარეო საქმეთა მინისტრ ნიკოს დენდიასთან.
ოფიციალური შეხვედრის შემდეგ, გაიმართება ორი ქვეყნის საგარეო საქმეთა მინისტრების ერთობლივი პრესკონფერენცია.
უწყების ცნობით, გარდა ამისა, საქართველოს საგარეო უწყების ხელმძღვანელი და საბერძნეთის პრეზიდენტი კომენტარს გააკეთებენ მედიის წარმომადგენლებისთვის.
კომენტარები