გერმანიამ უკრაინას Leopard 2-ის 18 ტანკი გადასცა. ინფორმაციას ამის შესახებ გერმანული გამოცემა Der Spiegel-ი წყაროებზე დაყრდნობით ავრცელებს.
გამოცემის ცნობით, ბოლო ტანკები გერმანიიდან გასული კვირის ბოლოს გაიყვანეს და ცოტა ხნის წინ უკრაინულ მხარეს გადაცეს.
Leopard 2-ის გარდა, გერმანიამ ასევე გადასცა უკრაინას 40-მდე ადრე დაპირებული Marder-ის ქვეითთა საბრძოლო მანქანა.
Der Spiegel-ის წყაროების თანახმად, უკრაინამ Leopard 2-ის ტანკები „იარაღის დიდი პაკეტითა და სათადარიგო ნაწილებით“ მიიღო.
კომენტარები