ვის რაში სჭირდებოდა, ან ციხეში, ან საქართველოში სააკაშვილი, რომელიც ჩვენი დამპყრობლის ინტერესების გამტარებელი იყო ყოველთვის?! – ამის შესახებ ბოდბელმა მთავარეპისკოპოსმა, მეუფე იაკობმა ქადაგებისას განაცხადა.
მისი თქმით, არ ფიქრობს, რომ „ნაციონალებს“, ან მათ „დამქაშებს“ რაიმე მომავალი ჰქონდეთ.
“როგორია ახლა, საქართველოს პრეზიდენტი იყო, 30-საუკუნოვანი ქვეყნის პრეზიდენტი იყო, წახვიდე იქ და იმის გამო, რომ გუბერნატორი გახდე და ფული იშოვო, უარს ამბობს საქართველოს მოქალაქეობაზე და სადღაც, რაღაც ქვეყანაში, თუნდაც უკრაინაში გუბერნატორობ. მერე კარგად გვახსოვს, ასტრიდ ლინდგრენი და ისინი გამახსენა, კარლსონი და ისინი გამახსენა, სახურავებზე რომ დარბოდა, მერე როგორ შემოიყვანეს მანამდე ევროპარლამენტარებმა. მერე ზელენსკის დროს, დღესაც პატიმარი სააკაშვილი უკრაინის მოხელეა იმიტომ, რომ პრეზიდენტს ჰყავს დანიშნული რაღაცაზე, კაცო, თუ ჩვენ პარტნიორები ვართ, ცალმხრივია ეს პარტნიორობა? რას ჰგავს ეს რა? ვის რაში სჭირდებოდა, ან ციხეში რაში სჭირდება ვინმეს ან საქართველოში რაში სჭირდება მაგ კაცი, რომელიც დამპყრობლის ინტერესების გამტარი იყო ყოველთვის.
ამერიკა და რუსეთი ფლირტში არიან, ახლოს არიან ერთმანეთთან და ჩამოჰყავთ რუსეთის საგარეო საქმეთა მინისტრი, ივანოვი. შევარდნაძეს „დამსახურებულ პენსიაში“ უშვებენ და მოჰყავთ სამი ადამიანი უშუალოდ რუსეთს, ვინც უნდოდა – სააკაშვილი, ჟვანია და ბურჯანაძე. ამიტომ, ის „ნაცმოძრაობა“, რაც იყო, აბსოლუტად რუსეთზე დამოკიდებული პარტია იყო”, – თქვა მეუფემ.
როგორც მეუფემ აღნიშნა, ოპოზიციონერი პოლიტიკოსები უცხოეთს – ამერიკას, ევროპას, რუსეთს „კუდებს უქიცინებენ“.
„ოღონდ რამე დაინახონ, ოღონდ რამე შეამჩნიონ და მაშინვე უცხოეთს – ევროპა იქნება, ამერიკა, რუსეთი, თუ სხვადასხვა მანამდე დამპყრობლები რომ გვყავდა, იმასაც კარგად ვხედავ ხოლმე, კუდებს როგორ „უქიცინებენ“. ისეთი კუდები მაინც ჰქონდეთ, რომ დააჭრა კაცმა და სადმე ჩააბარო და ხალხისთვის სიკეთე გააკეთო. ბეწვიც კი არ უვარგათ, ასე რომ ვთქვათ, იმიტომ, რომ ვინც თავისი ერის წინააღმდეგ წავა, არ შეიძლება ის ჩაითვალოს თუნდაც სრულყოფილ მოქალაქედ“, – განაცხადა მეუფემ.