ყველაფერს გავაკეთებთ, რომ შესრულდეს 12-პუნქტიანი გეგმა, – ამის შესახებ თბილისის მერმა, კახა კალაძემ განაცხადა, რითაც უპასუხა შეკითხვას, „შეუშლის თუ არა ხელს 12 რეკომენდაციის შესრულებას აშშ-ის მიერ ქართველი მოსამართლეებისთვის სანქციების დაწესება“.
კალაძის თქმით, გეგმის შესრულების შემდეგ, ევროკომისიაზე იქნება დამოკიდებული, რა გადაწყვეტილებას მიიღებენ.
„ჩვენ გვაქვს ჩვენი გზა. ყველაფერს გავაკეთებთ, რომ შესრულდეს წარმოდგენილი 12-პუნქტიანი გეგმა, ე.წ გზამკვლევი, იმის მიუხედავად, რომ სტატუსის მისაღებად არანაირი 12-პუნქტიანი გეგმა არ იყო საჭირო. ამაზე მეტყველება ის, რომ გარკვეულ ქვეყნებს მისცეს აღნიშნული სტატუსი, თუმცა ჩვენს შემთხვევაში სხვა რამისთვის იყენებენ. ყველაფერ ამის მიუხედავად, ჩვენ ჩვენს გასაკეთებელს აუცილებლად გავაკეთებთ. ამის შემდეგ ყველაფერი მათზე იქნება დამოკიდებული, რა გადაწყვეტილებას მიიღებენ“, – განაცხადა კალაძემ.
აშშ-მა მიხეილ ჩინჩალაძეს, ლევან მურუსიძეს, ირაკლი შენგელიასა და ვალერიან ცერცვაძეს სანქციები დაუწესა.