დღეს სახელმწიფოს აქვს იმის უნარი, შესაძლებლობა, ასეთი მიზანმიმართული კამპანიების სამართლებრივი შეფასება და დევნა დაიწყოს. დანარჩენი გამოძიებისა და სასამართლოს საკითხია, – განაცხადა რეგიონული პოლიტიკისა და თვითმმართველობის კომიტეტი თავმჯდომარემ, ირაკლი ქადაგიშვილმა დომენტი ჩუბინიძის საქმის კომენტირებისას.
მისივე თქმით, ადგილი ჰქონდა სახელმწიფო ინტერესების დისკრედიტაციის მცდელობას.
„რა თქმა უნდა, თავის თავში ატარებს სწორედ იმ მიზანს, რომ მოახდინოს სახელმწიფოს ინტერესების დისკრედიტაცია, მათ შორის ისეთ უმნიშვნელოვანესს საკითხთან დაკავშირებით, როგორიც არის მეზობელ სახელმწიფოებთან საზღვრის დელიმიტაცია-დემარკაციის საკითხი. სწორედ კიდევ ერთხელ აღსანიშნავია ის, რომ დღეს სახელმწიფოს აქვს იმის უნარი, შესაძლებლობა, ასეთი მიზანმიმართული კამპანიების სამართლებრივი შეფასება და დევნა დაიწყოს. დანარჩენი გამოძიებისა და სასამართლოს საკითხია“, – განაცხადა ირაკლი ქადაგიშვილმა.