2012 წლამდე სტრასბურგში გაგზავნილი საქმეების რაოდენობა იყო რეკორდული. 4-5 ათასი საქმე იგზავნებოდა სტრასბურგში. რატომ, მეგობრებო? იმიტომ, რომ ჩვენი მოქალაქეები აქ სამართალს ვერ პოულობდნენ. ეს მარტივი ჭეშმარიტებაა, – ამის შესახებ პრემიერ-მინისტრმა ირაკლი ღარიბაშვილმა განაცხადა.
„წელს სტრასბურგში გაიგზავნა მხოლოდ 150 საქმე. ამხელა განსხვავება და ამხელა პროგრესია. ეს კიდევ ერთხელ ადასტურებს იმას, რომ ნდობა სასამართლოს მიმართ არის აბსოლუტურად გაზრდილი და მოქალაქეები პოულობ სამართალს ქვეყანაში. მე ვამაყობ ჩვენი სასამართლოთი, ყველა მოსამართლით. ისინი არიან ძალიან მაღალკვალიფიციური პროფესიონალები, რომლებიც ემსახურებიან ჩვენს ქვეყანას, ემსახურებიან ჩვენი ქვეყნის გაძლიერებას, იცავენ ჩვენს სუვერენიტეტს და ჩვენს ეროვნულ პოლიტიკას. ამისთვის მადლობა მინდა გადავუხადო ყველა მოსამართლეს. ჩვენ, როგორც მთავრობა და მე, როგორც პრემიერ-მინისტრი ყველაფერს გავაკეთებ, რომ კიდევ უფრო მეტად გავაძლიერო ჩვენი დამოუკიდებლობა, თქვენი თავისუფლება. ჩვენ მაქსიმალურ მხარდაჭერას აღმოვუჩენთ თქვენს ინიციატივებს და ახალ პროგრამებს. დღეს რომ გვაქვს კორუფციისგან, ყოველგვარი ჩარევისგან და ზეწოლისგან თავისუფალი სასამართლო ეს არის, რა თქმა უნდა, ჩვენი გუნდის და მოსამართლეების დამსახურება“, – განაცხადა ირაკლი ღარიბაშვილმა.