ქუთაისი-ზესტაფონის დამაკავშირებელ გზაზე მდებარე გაზგასამართ სადგურზე ხანძარი გაჩნდა
გაზგასამართ სადგურზე ხანძარი მსუბუქი ავტომობილის სარემონტო სამუშაოს დროს გაჩნდა. კერძოდ, მანქანის თხევადი აირის ავზი აალდა, რის შედეგადაც ცეცხლი გაზგასამართ სადგურსაც მოედო. ამ დროისთვის ხანძარი ჩამქრალია. ტერიტორიაზე სამართალდამცველები მუშაობენ.
აფეთქების შედეგად დაზიანება მსუბუქი ავტომობილის მძღოლმა მიიღო. 51 წლის მამაკაცი სასწრაფო დახმარების ბრიგადამ თერჯოლის საავადმყოფოში გადაიყვანა. მამაკაცი კონტაქტურია. მას შესაბამისი სამედიცინო დახმარება უტარდება.
კომენტარები