“დღეის მდგომარეობით 18 გარდაცვლილია ამოსვენებული, აქედან 13 იდენტიფიცირებულია, 16 ადამიანზე საძიებო სამუშაოები მიმდინარეობს”

ამ დრომდე მიმდინარეობს ინტენსიური ძებნა-შველის ღონისძიებები სტიქიის ზონაში. ამ დროისთვის სტატისტიკა არ შეცვლილა. ღამის განმავლობაში უწყვეტ რეჟიმში გაგრძელდება საძიებო სამუშაოები, – ამის შესახებ „ქრონიკაში“ საგანგებო სიტუაციების მართვის სამსახურის უფროსმა თემურ მღებრიშვილმა განაცხადა. მან განმარტა რა ეტაპზეა საძიებო სამუშაოები.

„როგორც იცით, დღეის მდგომარეობით 18 გარდაცვლილია ამოსვენებული. აქედან 13 იდენტიფიცირებულია და რჩება 16 ადამიანი, რომელთა საძიებო სამუშაოები ამ დრომდე მიმდინარეობს. რაც შეეხება საძიებო სამუშაოების მასშტაბს, 6 ლოკაციაზე მიმდინარეობდა დღის განმავლობაში სამუშაოები ძალიან აქტიურად. ვფიქრობთ, ხვალ უფრო მეტ პერიმეტრს მოვიცავთ და ვიმედოვნებთ, რომ ამის შედეგები გვექნება ხვალისთვის“, – განაცხადა მღებრიშვილმა.