“კომერციული ობიექტები ვალდებულები არიან, გააფორმონ თბილსერვისთან ხელშეკრულება მომსახურებაზე და არ გაიტანონ თავიანთი ნარჩენები ასე უკონტროლოდ კონტეინერებთან”

თბილისის მერიის მედიასთან ურთიერთობის სამსახურის უფროსი მანანა თოქმაჯიშვილი სოციალურ ქსელში პოსტს აქვეყნებს.

“აი ეს ხდება ნაგავშემკრებ კონტეინერებთან, რაც ყველამ კარგად ვიცით. სამშენებლო ნაგავი, ძველი ავეჯი, ავტომანქანების მეორადი ნაწილები, კომერციული ობიექტებიდან გამოტანილი ნარჩენები, შესაფუთი მასალა… ამ ყველაფრისთვის არ არის განკუთვნილი ეს კონტეინერები. ამისთვის არსებობს დამატებით ფასიანი სერვისი და დროა, საჭიროების შემთხვევაში, ყველამ ისარგებლოს ამ სერვისით.
პ.ს. ფასიან სერვისს რაც შეეხება, კომერციული ობიექტები ვალდებულები არიან, გააფორმონ თბილსერვისთან ხელშეკრულება მომსახურებაზე და არ გაიტანონ თავიანთი ნარჩენები ასე უკონტროლოდ კონტეინერებთან. კერძო პირის შემთხვევაში, არსებობს „თბილსერვის ჯგუფის“ ცხელი ხაზი – 2 61 90 50, ასევე, ვებგვერდი – https://www.tbsg.ge”