მითი „ნაციონალური მოძრაობის“ ერთიანობის და კონსოლიდირებულების შესახებ გაქრა და ამ ნანგრევებზე ყველა ცდილობს საკუთარი სარგებელი იპოვოს, – ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძემ განაცხადა.
„მითი „ნაციონალური მოძრაობის“ ერთიანობის და კონსოლიდირებულების შესახებ გაქრა და ამ ნანგრევებზე ყველა ცდილობს საკუთარი სარგებელი იპოვოს. მოსალოდნელი იყო, რომ ეს დაპირისპირება და კონფრონტაცია არ დასრულდებოდა მხოლოდ და მხოლოდ ორ პოლიტიკურ დაჯგუფებას შორის კონფლიქტით და რასაკვირველია, ამას მოჰყვებოდა გაგრძელება. შესაბამისად, ერთ-ერთი მორიგი ტალღაა დაპირისპირებების, რომელიც გამომჟღავნდა სააკაშვილის პოსტში“, – აღნიშნა სარჯველაძემ.
საქართველოს ყოფილმა პრეზიდენტმა, მიხეილ სააკაშვილმა სოციალურ ქსელში პოსტი გამოაქვეყნა, რომლითაც „ნაციონალური მოძრაობის“ წევრებს მიმართა. მისი თქმით, ვინც დაადგება ბოკერიას გზას, განულდება. ამას გამოეხმაურა თავად „ევროპული საქართველოს“ თავმჯდომარეც. გიგა ბოკერიას თქმით, როცა შავრაზმელობა, პოპულიზმი, ფარისევლობა, ბელადომანია ავტომატურად მისაღები ხდება დიდი ოპოზიციური ძალისთვის, ეს არის კატასტროფა ჩვენი პოლიტიკური ცხოვრებისთვის.