რუსეთის პრეზიდენტმა ვლადიმირ პუტინმა ხელი მოაწერა ბრძანებას ჯარში საშემოდგომო გაწვევის დაწყების შესახებ. რუსული მედიის ცნობით, გაწვევა 1 ოქტომბერს დაიწყება და 31 დეკემბერს დასრულდება.
საერთო ჯამში ჯარში 18-დან 27 წლამდე ასაკის 130 000 ადამიანს გაიწვევენ. მანამდე რუსეთის გენშტაბში განაცხადეს, რომ წვევამდელებს უკრაინაში, საომარი მოქმედებების ზონაში არ გაგზავნიან.
აღსანიშნავია, რომ ეს იქნება ბოლო გაწვევა, როდესაც ზღვრული ასაკი 27 წლით შემოიფარგლება. 2024 წლის გაზაფხულიდან ჯარში 30 წლამდე მამაკაცების გაწვევა იქნება შესაძლებელი.
კომენტარები