“ეს ვეტო უპირობოდ დაიძლევა”,- ამის შესახებ საპარლამენტო უმრავლესობის წევრმა, გიორგი ცაგარეიშვილმა „შეკრებებისა და მანიფესტაციების შესახებ“ კანონში შეტანილ ცვლილებებთან დაკავშირებით პრეზიდენტის ვეტოზე საუბრისას განაცხადა.
მისივე თქმით, საქართველოს სჭირდება სამოქალაქო მშვიდობა და არა ნიშნის მოგებით ვეტოების დადება.
“ეს ვეტო უპირობოდ დაიძლევა, რადგან საქართველოს სჭირდება სამოქალაქო მშვიდობა და არა ნიშნის მოგებით ვეტოების დადება, წამდაუწუმ, ყველა კანონპროექტზე. არსებობს ძალიან დიდი საფრთხეები, როგორც ქვეყნის გარეთ, ისე ქვეყნის შიგნით. არ გვაქვს უფლება, არ ვენდოთ ჩვენს სპეცსამსახურებს. ამიტომ, ვფიქრობთ, რომ დანაშაულის პრევენცია უნდა მოხდეს, უნდა მოხდეს საზოგადოების დაზღვევა ნებისმიერი სამოქალაქო დაპირისპირებისა და არეულობისგან”, – განაცხადა ცაგარეიშვილმა.