პარლამენტის ვიცე-სპიკერმა არჩილ თალაკვაძემ „ქრონიკასთან“ ნიკა მელიას განცხადება შეაფასა. მისი თქმით, „ნაციონალური მოძრაობის“ წევრის განცხადება თვალთმაქცობაა.
„ნიკა მელიას განცხადება, რომ თითქოს მისთვის არაფორმალური მმართველობა მიუღებელია, ეს არის თვალთმაქცობა. ახლა გახდა ეს მისთვის მიუღებელი, როდესაც თავმჯდომარეობიდან გადააყენეს. რეალურად, „ნაციონალური მოძრაობა“ დაშლის საბოლოო ფაზაშია, მათ მომავლის ლიდერი არ ჰყავთ, მათ არ აქვთ იდეა, რის გარშემო შეუძლიათ გაერთიანდნენ. ერთადერთი, რაც დღეს პარტიაში აინტერესებთ ეს არის ძალაუფლების გადანაწილება, ისინი პოლიტიკურ ოფსაიდში არიან“, – აღნიშნა არჩილ თალაკვაძემ.
ნიკა მელია ვანო მერაბიშვილსა და დავით კეზერაშვილის გავლენებზე საუბრობს და აცხადებს, რომ პარტიის ახალი მენეჯმენტი ყოფილი ძალოვნების გარშემო არა ხალხის ინტერესებმა, არამედ ფულმა და მანდატებმა გააერთიანა.