სიტუაცია უკიდურესად რთული და მყიფეა. მოვითხოვთ ყველა ჩვენი მოქალაქის გათავისუფლებას, – ამის შესახებ ისრაელის პრეზიდენტმა ისააკ ჰერცოგმა ფრანგ კოლეგა ემანუელ მაკრონთან შეხვედრაზე განაცხადა.
„მოწოდებულები ვართ, დავამარცხოთ ჩვენი მტრები. სიტუაცია უკიდურესად რთული და მყიფეა. მოვითხოვთ ყველა ჩვენი მოქალაქის გათავისუფლებას. ისრაელის მოქალაქეებსა და სხვა ქვეყნების მოქალაქეებს შორის არანაირი განსხვავება არაა“, – აღნიშნა ისრაელის პრეზიდენტმა.
მან ასევე განაცხადა, რომ ირანი ლიბანის ტერიტორიაზე „ცეცხლს ეთამაშება“.
„თუ „ჰეზბოლა“ ომში ჩაგვითრებს, ყველასათვის ნათელი უნდა იყოს, რომ ლიბანი ამაში ფასს გადაიხდის. ლიბანი ვერ იქნება საერთაშორისო თანამეგობრობის სუვერენული წევრი, თუ ისინი ვერ იღებენ პასუხისმგებლობას, როდესაც [მათი ტერიტორიიდან] ისრაელს ესხმიან თავს“, – აღნიშნა ისააკ ჰერცოგმა.