რუსეთმა შავი ზღვის ფლოტის გემების ოკუპირებული ყირიმიდან, საქართველოს ოკუპირებულ ქალაქ ოჩამჩირეში გადაყვანის გადაწყვეტილება მიიღო. ამის შესახებ უკრაინის თავდაცვის სამინისტროს მთავარი სადაზვერვო სამმართველოს წარმომადგენელმა, ვადიმ სკიბიცკიმ განაცხადა.
მისივე თქმით, ოკუპანტებმა გემები გადაიყვანეს ნოვოროსიისკში, თუმცა იქ არსებული მცირე პორტი რუსეთის შავი ზღვის ფლოტის ყველა გემს ვერ იტევს, ამიტომ კრემლმა ამისთვის საქართველოს ოკუპირებული ტერიტორიის გამოყენება გადაწყვიტა.
„ოჩამჩირეში, ეს აფხაზეთია, აქტიური სამუშაოები მიმდინარეობს, რუსებმა იქ ფსკერის დაღრმავების სამუშაოები ჩაატარეს. სადღაც რეკონსტრუქცია გაუკეთეს პორტის ინფრასტრუქტურას, რათა იქ სამხედრო გემების ბაზირება უზრუნველყონ, მაგრამ ეს ისევ იქნება პატარა ადგილი“, – განაცხადა ვადიმ სკიბიცკიმ.
კომენტარები