დეკანოზი როსტომ ლორთქიფანიძე გარდაიცვალა. ინფორმაციას ამის შესახებ მისი ოჯახის წევრები ავრცელებენ.
როსტომ ლორთქიფანიძე ერისკაცობაში საქართველოს რეპუბლიკის უზენაესი საბჭოს პირველი მოწვევის დეპუტატი გახლდათ.
1964-1973წწ. მუშაობდა “ქართულ ფილმში რეჟისორის ასისტენტად. ხელმძღვანელობდა ხალხური შემოქმედების სახლის თეატრისა და კინოს განყოფილებას. გადაიღო მხატვრული ფილმები: “ფაცურა” (1976) და “ლილე” (1985). როგორც მსახიობი მონაწილეობდა ფილმებში: “ექსპედიცია” (ზ. მექვაბიშვილი, 1983), “ბეღურების გადაფრენა” (თ. ბაბლუანი, 1980). 1979 წლიდან იყო საქართველოს კათოლიკოს-პატრიარქის ილია II-ის პირადი რეფერენტი. 1981 წლიდან -თბილისის წმინდა სამების ეკლესიის დეკანოზია (როსტომი). ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი).