დღევანდელი ხელისუფლება ახორციელებს პრაგმატულ პოლიტიკას, რათა ქვეყანაში შეინარჩუნოს მშვიდობა, – ამის შესახებ დედაქალაქის მერმა, კახა კალაძემ განაცხადა.
კახა კალაძის თქმით, ეკონომიკურად ძლიერი საქართველო შეძლებს ტერიტორიული მთლიანობის აღდგენას.
„„ნაციონალური მოძრაობა“ არის პოლიტიკური გუნდი, რომელმაც თავისი უგუნური პოლიტიკით მოგვიტანა ის შედეგი, რაც დღეს გვაქვს. გაუბედურებული ჩვენი ქვეყნის მოსახლეობა, დაღუპული გმირი ჯარისკაცები, მშვიდობიანი მოსახლეობა, დაკარგული ტერიტორიები, სოფლები, განადგურებული ინფრასტრუქტურა – ეს მივიღეთ. დღევანდელი ხელისუფლება პრაგმატულ პოლიტიკას ახორციელებს, რათა ქვეყანაში შეინარჩუნოს მშვიდობა. მშვიდობის შენარჩუნება გვაძლევს ეკონომიკურად გაძლიერების შესაძლებლობას. ეკონომიკურად ძლიერი საქართველო შეძლებს ტერიტორიული მთლიანობის აღდგენას და ჩვენი აფხაზი, ოსი ძმების დაბრუნებას“, – განაცხადა კახა კალაძემ კითხვის საპასუხოდ, რომელიც თამაზ გინტურის მკვლელობას ეხებოდა.