დიდ ბრიტანეთში დააკავეს კაცი, რომელიც ამერიკელი ჰოკეისტის ადამ ჯონსონის გარდაცვალების საქმეში ეჭვმიტანილის სტატუსით ფიგურირებს. ამის შესახებ BBC წერს.
გამოცემის ინფორმაციით, სამხრეთ იორკშირის პოლიციაში განაცხადეს, რომ ეჭვმიტანილი სამშაბათს დააკავეს და ის პატიმრობაში რჩება. მისი ვინაობა და საქმის სხვა დეტალები არ საჯაროვდება.
29 წლის ადამ ჯონსონი, რომელიც ბრიტანეთში „პანტერსის“ შემადგენლობაში თამაშობდა, ოქტომბრის ბოლოს გარდაიცვალა. „შეფილდთან“ მატჩის დროს ჯონსონს ყელში ციგური მოხვდა, რის შედეგადაც მან ღრმა ჭრილობა მიიღო და ძლიერი სისხლდენა დაეწყო. ჰოკეისტს სამედიცინო დახმარება ადგილზე აღმოუჩინეს, შემდეგ კი კლინიკაში გადაიყვანეს, თუმცა ექიმებმა მისი გადარჩენა ვერ მოახერხეს.
კომენტარები