წყნეთში მკვლელობის საქმეზე დაკავებული პოლიციელი ერიკ წურწუმია უზენაესმა სასამართლომ ნაწილობრივ გაამართლა, – ამის შესახებ „იმედინიუსს“ ადვოკატმა, თეონა გვაზავამ განუცხადა.
„პროკურორი ითხოვდა სასჯელის დამძიმებას. ერიკ წურწუმიას მისჯილი ჰქონდა 6 წელი 333-ე მუხლის მე-3 ნაწილით და ითხოვდა უფრო მკაცრი სასჯელის დაკისრებას. ჩვენ ამ მუხლის გაუქმებას ვითხოვდით და სასამართლომ ჩვენი მოთხოვნა დააკმაყოფილა და საბოლოო ჯამში სასამართლომ 333-ე მუხლის მე-3 ნაწილში ერიკ წურწუმია უდანაშაულოდ ცნო, რაც გულისხმობს სამსახურებრივი უფლებამოსილების გადამეტებას“, – აღნიშნა ადვოკატმა.
ბრალდებული დეტექტივი, ერიკ წურწუმია, რომლის საპოლიციო ღონისძიებასაც 30 წლის ზურაბ გველესიანის სიცოცხლე ემსხვერპლა, სასამართლომ 2022 წლის 25 ნოემბერს დამნაშავედ ცნო.
კომენტარები