სისტემური იყო ადამიანის უფლებების დარღვევა და გარდა ამისა, საშინელი დანაშაულები ჩაიდინეს ომამდე და ომის მერეც, როდესაც საქართველოს დააბრალეს საომარი მოქმედებების დაწყება, – ამის შესახებ პარლამენტის პირველმა ვიცე-სპიკერმა გიორგი ვოლსკიმ „ნაცმოძრაობაში“ მიმდინარე დაპირისპირებაზე საუბრისას განაცხადა.
„სააკაშვილმა განაცხადა, რომ არცერთი ადამიანი, ვინც დღეს პარლამენტშია, არ უნდა იყოს ახალ სიაში. მაშინ ეს მანიფესტი ვისზეა გათვლილი. იმ ადამიანებზე, ვინც 2004-2005 წელს შეიძლება საერთოდ არ იყო დაბადებული ან ომის პერიოდში იყო ძალიან პატარა, 2-3 წლის და დღეს უკვე ამომრჩეველია. მათზეა გათვლილი. ეს არის სატყუარა, რომლითაც უნდათ, რომ საზოგადოების გარკვეულ ნაწილს თავი მოაჩვენონ, როგორც პროგრესის მოყვარულებმა და საქართველოს სტაბილურ განვითარებაზე მზრუნველმა ადამიანებმა“, – აღნიშნა გიორგი ვოლსკიმ.
„ნაციონალურმა მოძრაობამ“ პარტიისა და მიხეილ სააკაშვილის 23 ნოემბრის მანიფესტი გამოაქვეყნა.