უნდა გააცნობიეროს ყველამ, რომ ავადმყოფი სააკაშვილის ციხეში გადაყვანას მოჰყვება ძალიან მძიმე პროცესები, მათ შორის დაძაბულობა საზოგადოებაში, – ამის შესახებ რომან გოცირიძემ განაცხადა. პოლიტიკური ჯგუფის „ევროოპტიმისტები“ წევრმა კომენტარი მიხეილ სააკაშვილის ინიციატივაზეც გააკეთა, რომელმაც ოპოზიციას პოლიტიკური აქტიურობის ერთიანობის კომიტეტის შექმნისკენ მოუწოდა.
„უნდა შეიქმნას დიდი ოპოზიციური ცენტრი, უფრო დიდი, ვიდრე „ნაციონალური მოძრაობაა“ და ამ ოპოზიციურ ცენტრში უნდა გაერთიანდეს საპარლამენტო და არასაპარლამენტო ოპოზიცია, გარდა გახარიას პარტიისა და „ნაციონალური მოძრაობისა“. ეს დიდი კოალიცია უკვე პარლამენტში შექმნის სახელისუფლებო კოალიციას“, – მიიჩნევს გოცირიძე.
მიხეილ სააკაშვილმა ოპოზიციას შესთავაზა, რომ შეიქმნას პოლიტიკური აქტიურობის ერთიანობის კომიტეტი სუპერ პაკი.
პარტია „საქართველოსთვის“ ხელისუფლებას მოუწოდებს, მიხეილ სააკაშვილი სასჯელაღსრულების დაწესებულებაში გადაიყვანოს.