ევროპელ პარტნიორებთან ერთად იმ რეფორმებს განვახორციელებთ, რომელიც საქართველოსთვის ევროკავშირში გაწევრიანების საფუძველი იქნება, – ამის შესახებ პარლამენტის ვიცე-სპიკერმა, არჩილ თალაკვაძემ განაცხადა.
როგორც თალაკვაძემ აღნიშნა, კანდიდატის სტატუსი რამდენიმე დღის წინ მივიღეთ და ოპოზიცია უკვე სამომავლო გეგმებზე საყვედურის ტონით საუბრობს.
„ჩვენ ვართ ის პოლიტიკური გუნდი, რომელიც ვამბობდით, რომ კანდიდატის სტატუსის მიღების შემდეგ გაგრძელდებოდა პროცესი. ჩვენს მიერ მომზადებული გეგმის განხილვა ევროკავშირთან ერთად ხდება. შემდეგი ეტაპის შესრულებას დრო დასჭირდება და არასწორი მოლოდინები არ უნდა შევქმნათ. ახლა ოპოზიცია სწორედ ამას აკეთებს. კანდიდატის სტატუსი რამდენიმე დღის წინ მივიღეთ და ოპოზიცია უკვე სამომავლო გეგმებზე რაღაც საყვედურის ტონით საუბრობს. იმასაც კი ამბობენ, რომ სამომავლო გეგმა შესრულებული უნდა იყოს და მომავალს არ უნდა დაველოდოთ, რაც არასერიოზული და სპეკულაციურია. ყველაფერს თავისი დრო აქვს. ევროპელ პარტნიორებთან ერთად იმ რეფორმებს განვახორციელებთ, რომელიც საქართველოსთვის ევროკავშირში გაწევრიანების საფუძველი იქნება“,- განაცხადა თალაკვაძემ.