“ ოპოზიციამ და მათმა პატრონებმა ზუსტად იციან, რომ არავითარი შანსი არ აქვთ და ისინი ამ არჩევნებს უსასტიკესად წააგებენ”

ოპოზიციამ და მათმა პატრონებმა ზუსტად იციან, რომ არავითარი შანსი არ აქვთ და ისინი ამ არჩევნებს უსასტიკესად წააგებენ, – ამის შესახებ მედიასთან „ხალხის ძალის“ ერთ-ერთმა ლიდერმა, დეპუტატმა სოზარ სუბარმა განაცხადა.

„დეზინფორმაციის კამპანიის გაძლიერებას ველოდებით და ამას უნდა დავუპირისპიროთ ერთადერთი რამ – სიმართლე და სიმართლით ხალხის ინფორმირება. ამის კარგი მაგალითია რაც ხდება დღეს სერბეთში. ზუსტად იგივე ძალები, იგივე ადამიანები, რომლებიც საქართველოში ატარებდნენ ტრენინგებს როგორ მოაწყონ არეულობა და სისხლიანი გადატრიალება, ზუსტად ისინი არიან, ვინც არ ცნობენ დღეს არჩევნების შედეგს სერბეთში და ეს გვინახავს ჩვენ უფრო ადრეც, 2003-ში“, – აღნიშნა სოზარ სუბარმა.