ერაყში ტყვედ ჩავარადნილმა „ისლამური სახელმწიფოს“ ტერორისტმა, მასობრივი გაუპატიურებების შესახებ ისაუბრა, რომელსაც ტერორისტები ოკუპირებულ ტერიტორიებზე ახორციელებენ.
ამარ ჰუსეინი ქურთების ტყვეობაში 2016 წლის ოქტომბერში ჩავარდა. ბრძოლის დროს დაიღუპა 99 ქურთი მებრძოლი და მშვიდობიანი მოქალაქე, ხოლო ტერორისტების მხრიდან 63, მათგან ორი კი ტყვეობაში მოხვდა.
ჰუსეინის თქმით, მეთაურებმა, ყველა მებრძოლს უფლება მისცეს განურჩევლად იხმარონ ძალა იეზიდ ქალებსა და სხვა რელიგიურ უმცირესობის წარმომადგენლებზე. – „ახალგაზრდა კაცს ეს ჭირდება. ეს ნორმალურია“, – განმარტა ყოფილმა მებრძოლმა.
ჰუსეინის თქმით „ისლამური სახელმწიფოს“ რიგებში ის 2013 აღმოჩნდა და ტყვედ ჩავარდნამდე, გააუპატიურა 200-მდე ქალი და მოკლა 500.
განსხვავებით ჰუსეინისგან, მეორე ტყვემ ადბელ რაჰმანმა განაცხადა, რომ არასდროს მოუკლავს. მისი თქმით, ტერორისტების რიგებში ჩაეწერა მაშინ, როდესაც „ისლამური სახელმწიფოს“ მებრძოლები სიკვდილით დაემუქრნენ.