29 იანვრის შეხვედრა მნიშვნელოვანია, ვინაიდან ეს არის პასუხისმგებლობიანი დამოკიდებულება, რომლითაც „ქართული ოცნება“ გამოირჩევა, – ამის შესახებ ფრაქცია „ქართული ოცნების“ თავმჯდომარის მოადგილემ რატი იონათამიშვილმა განაცხადა.
„რაც შეეხება იმას, ამ ფორმატში რადიკალური ოპოზიცია და ოპოზიცია ჩაერთვება თუ არა, თუ ისინი ცდილობენ, რომ მათი მხრიდან ეს როგორც კარგი ჟესტი ისე წარმოაჩინონ, ეს ასე არ არის. ეს არის მათი პირდაპირი ვალდებულება. ის ვალდებულება, რომელსაც ისინი აქამდე გაურბოდნენ.
თუ ამას გამოასწორებენ, ეს იქნება პირველ რიგში, მათგან აღიარება იმისა, რომ მთელი ის საბოტაჟის მცდელობა, რაც აქამდე იყო ინტეგრაციის პროცესის მიმართ, სერიოზული შეცდომა იყო და შეცდომაზე მეტად ჩვენი ქვეყნის მიმართ ჩადენილი პოლიტიკური დანაშაული“, – აღნიშნა იონათამიშვილმა.
ცხრაპუნქტიან გეგმასთან დაკავშირებით უმრავლესობის, საპარლამენტო ოპოზიციისა და მესამე სექტორის მონაწილეობით, 29 იანვარს პარლამენტში სამუშაო შეხვედრა გაიმართება. 9 პუნქტის შესრულება ოფიციალურმა ბრიუსელმა საქართველოს ევროკავშირის წევრობის კანდიდატი ქვეყნის სტატუსის მინიჭების შემდეგ განუსაზღვრა.