ჩეხეთის პრეზიდენტი ევროპას მოუწოდებს დონალდ ტრამპის კიდევ ერთხელ გაპრეზიდენტებისთვის მოემზადოს. პეტრ პაველის თქმით, ევროპა სავსებით ლეგიტიმურად განიხილავს შესაძლებლობას, რომ ტრამპმა მოიგოს საპრეზიდენტო არჩევნები და ძალიან სწრაფად გააფორმოს შეთანხმება რუსეთის პრეზიდენტ ვლადიმერ პუტინთან, რაც შესაძლოა არ იყოს მომგებიანი უკრაინისა და ევროპისთვის. განცხადება პერტ პაველმა ჩეხეთის რადიოსთვის მიცემულ ინტერვიუში გააკეთა.
„ამ შემთხვევაში ჩვენ დავდგებით ფაქტის წინაშე, რომელსაც უნდა გავუმკლავდეთ. ეს არ არის ტრანსატლანტიკური კავშირების შელახვა, მაგრამ უნდა ვაღიაროთ, რომ დონალდ ტრამპი ბევრ რამეს სხვაგვარად ხედავს“, – აღნიშნა ჩეხეთის პრეზიდენტმა.
პაველის თქმით, თუ ტრამპი საპრეზიდენტო არჩევნებში გაიმარჯვებს, ამერიკელი ხალხის გადაწყვეტილებას პატივი უნდა სცენ.